ಮೃತ ರಕ್ಷಣಾ ಸಿಬ್ಬಂದಿಯ ಮುಂದಿನ ಕುಟುಂಬಕ್ಕೆ ಕನಿಷ್ಠ ಏಳು ವರ್ಷಗಳ ನಿರಂತರ ಸೇವಾ ಅವಧಿ (ಇಒಫ್ ಪಿ) ನೀಡುವ ಅಗತ್ಯವನ್ನ ರಕ್ಷಣಾ ಸಚಿವಾಲಯ ಸೋಮವಾರ ರದ್ದುಪಡಿಸಿದೆ. ‘2019ರ ಅಕ್ಟೋಬರ್ 1ರಿಂದ ಜಾರಿಗೆ ಬಂದ 7 ವರ್ಷಗಳ (EOFP ಪಡೆಯಲು) ನಿರಂತರ ಸೇವೆ ನೀಡುವ ಅಗತ್ಯವನ್ನ ತೆಗೆದುಹಾಕಿ’ ಎಂದು ರಕ್ಷಣಾ ಸಚಿವಾಲಯ ತಿಳಿಸಿದೆ.
ಒಂದು EOFP ಯು ಸಿಬ್ಬಂದಿಯ ಕೊನೆಯ ವೇತನದ 50% ಆಗಿದೆ ಮತ್ತು ಸೇವೆಯಲ್ಲಿರುವ ಸಿಬ್ಬಂದಿಯ ಮರಣದ ದಿನಾಂಕದಿಂದ 10 ವರ್ಷಗಳವರೆಗೆ ಪಾವತಿಸಲಾಗುತ್ತದೆ ಎಂದು ಸಚಿವಾಲಯವು ಪ್ರಕಟಣೆಯಲ್ಲಿ ತಿಳಿಸಿದೆ. ಒಂದು ವೇಳೆ, ಅವರ ಬಿಡುಗಡೆ, ನಿವೃತ್ತಿ, ವಿಸರ್ಜನೆ ಅಥವಾ ಅಮಾನ್ಯದ ನಂತರ ಸೇವಾ ಸಿಬ್ಬಂದಿ ಮರಣ ಹೊಂದಿದರೆ, EOFP ಯನ್ನು ಮರಣದ ದಿನಾಂಕದಿಂದ ಏಳು ವರ್ಷಗಳವರೆಗೆ ಅಥವಾ ಸಿಬ್ಬಂದಿ 67 ವರ್ಷ ವಯಸ್ಸಾಗುವರೆಗೆ ನೀಡಲಾಗುತ್ತದೆ. ಇದ್ರಲ್ಲಿ ಯಾವುದು ಮುಂಚಿತವಾಗಿದೆಯೋ ಅದು ಎಂದು ಸಚಿವಾಲಯವು ಸ್ಪಷ್ಟಪಡಿಸಿದೆ.
ಅಕ್ಟೋಬರ್ 1, 2019ಕ್ಕೆ ಮುನ್ನ 10 ವರ್ಷಗಳರೊಳಗೆ ಮೃತಪಟ್ಟ ಸಶಸ್ತ್ರ ಪಡೆಗಳ ಯೋಧರ ಕುಟುಂಬಕ್ಕೆ ಏಳು ವರ್ಷಗಳ ನಿರಂತರ ಸೇವೆಯನ್ನು ಪೂರೈಸದೆ, EOFP ಪಡೆಯಲಾಗುತ್ತದೆ ಎಂದು ಸಚಿವಾಲಯದ ಪ್ರಕಟಣೆ ತಿಳಿಸಿದೆ. ‘ಇದುವರೆಗೆ ಪಿಂಚಣಿಗೆ ಅರ್ಹರಾಗಿದ್ದ ರೂಲ್ 7 ವರ್ಷಗಳ ಸೇವಾವಧಿಯನ್ನು ಪೂರೈಸಿತ್ತು, ಆದರೆ ಈಗ ಅದನ್ನ ರದ್ದುಪಡಿಸಲಾಗಿದೆ’ ಎಂದೂ ಅದು ಹೇಳಿದೆ.
EOFP ಯು ಸಿಬ್ಬಂದಿಯ ಕೊನೆಯ ವೇತನದಲ್ಲಿ 50% ಆಗಿದ್ದರೂ, ಸಾಮಾನ್ಯ ಕುಟುಂಬ ಪಿಂಚಣಿ (ಒಪಿಪಿ) ಸಿಬ್ಬಂದಿಯ ಕೊನೆಯ ವೇತನದಲ್ಲಿ 30% ಆಗಿದೆ ಎಂದು ಸಚಿವಾಲಯ ತಿಳಿಸಿದೆ.
ಕಲ್ಲಿದ್ದಲು ಗಣಿಗಳ ಭವಿಷ್ಯ ನಿಧಿ ಸಂಘಟನೆಯ (ಸಿಎಂಪಿಎಫ್ ಒ) ಭವಿಷ್ಯ ನಿಧಿ ಮತ್ತು ಪಿಂಚಣಿಗೆ ಸಂಬಂಧಿಸಿದ ಚಟುವಟಿಕೆಗಳನ್ನು ಡಿಜಿಟಲೀಕರಣಗೊಳಿಸಲು ಕೇಂದ್ರ ಸರ್ಕಾರ ಕಳೆದ ವಾರ ‘ಸುನಿಧಿ’ ಎಂಬ ಯೋಜನೆಯನ್ನ ಜಾರಿಗೆ ತಂದಿದೆ.
