ಬಹುನಿರೀಕ್ಷಿತ ಐಪಿಎಲ್ ಶುರುವಾಗಿಯೇಬಿಟ್ಟಿದೆ. ಇಂದು ಯುಎಇಯ ಪ್ರಮುಖ ಪ್ರವಾಸಿತಾಣ ಕಡಲನಗರಿಯ ಶೇಖ್ ಜಯೆದ್ ಕ್ರೀಡಾಂಗಣದಲ್ಲಿ ಮುಂಬೈ ಇಂಡಿಯನ್ಸ್ ಮತ್ತು ಚೆನ್ನೈ ಸೂಪರ್ ಕಿಂಗ್ಸ್ ನಡುವೆ ಉದ್ಘಾಟನಾ ಪಂದ್ಯ ಪ್ರಾರಂಭವಾಗಿದೆ.
ಚೆನ್ನೈ ಸೂಪರ್ ಕಿಂಗ್ಸ್ ತಂಡದ ನಾಯಕ ಎಂ.ಎಸ್.ಧೋನಿ ಟಾಸ್ ಗೆದ್ದು ಮೊದಲು ಬೌಲಿಂಗ್ ಆಯ್ಕೆ ಮಾಡಿಕೊಂಡಿದ್ದಾರೆ. ಇತ್ತ ರೋಹಿತ್ ಶರ್ಮಾ ನೇತೃತ್ವದ ಮುಂಬೈ ಇಂಡಿಯನ್ಸ್ ತಂಡ ಬ್ಯಾಟಿಂಗ್ ಪ್ರಾರಂಭಿಸಿದ್ದು, ರೋಹಿತ್ ಶರ್ಮಾ ಮತ್ತು ದೀಪಕ್ ಚಹಾರ್ ಓಪನರ್ಗಳಾಗಿ ಮೈದಾನಕ್ಕೆ ಇಳಿದಿದ್ದಾರೆ. ಸದ್ಯ ಮೂರನೇ ಓವರ್ಗೆ ಮುಂಬೈ 40 ರನ್ ಗಳಿಸಿದ್ದು, ಯಾವುದೇ ವಿಕೆಟ್ ನಷ್ಟವಿಲ್ಲ. ರೋಹಿತ್ ಶರ್ಮಾ ಮೊದಲನೇ ಬಾಲ್ನಲ್ಲೇ ಫೋರ್ ಹೊಡೆದು, ಭರ್ಜರಿ ಓಪನಿಂಗ್ ಕೊಟ್ಟಿದ್ದಾರೆ.
ಈ ಬಾರಿ ಐಪಿಎಲ್ ಕರೊನಾ ಮಧ್ಯೆಯೂ ಶುರುವಾಗಿದ್ದು ಕ್ರಿಕೆಟ್ ಪ್ರೇಮಿಗಳಿಗೆ ರಸದೌತಣ. ಅದರಲ್ಲೂ ಸಿಎಸ್ಕೆ ದುಬೈಗೆ ಹೋದಾಗಿನಿಂದ ಒಂದಲ್ಲ ಒಂದು ಸಮಸ್ಯೆ ಎದುರಿಸುತ್ತಲೇ ಇತ್ತು. ಇದೀಗ ಎಲ್ಲ ಅಡೆತಡೆಗಳನ್ನೂ ಮೀರಿ ಐಪಿಎಲ್ ಪಂದ್ಯ ಪ್ರಾರಂಭವಾಗಿಯೇಬಿಟ್ಟಿದೆ. (ಏಜೆನ್ಸೀಸ್)
